1419. Februar 7. Czarnowanz

In nomine domini Amen. Sub Anno Nativitatis eiusdem Millesimo Quadringentesimo decimonono. Indicione duodecima, die Martis Septima mensis Februarii, hora quasi Nonarum, loco Capitulari Monasterii Czarnowans alias Domusdei Ord. Prem. Wrat. dioc. Pontificatus Sanctissimi in Cristo patris ac domini nostri domini Martini divina providencia pape Quinti Anno eius secundo In mei Notarii publici testiumque subscriptorum presencia Ad sonum Campane Capitulariter congregate et personaliter constitute Venerabiles ac Religiose virgines Anna Priorissa, Bronica Suppriorissa, Elyzabeth Kendcziffka, Agnes Swirczkoffna, Anna Korssequicze, Barbara, Offka Cantrix, Hedwigis Circatrix, Margaretha Corquicze, Katherina Succentrix, Elyzabeth Ogonicka, Agnes Pnioffka, Margaretha Bonitoffna, Dorothea Advocata, Margaretha Mortczkoffna, Sophia Lessota, Hedwigis, Kachna Bohenkoffna, totusque Conventus Monialium Monasterii Czarnowans supradicti, non coacte, non compulse neque per aliquem errorem circumvente, sed sponte libere et voluntarie, venerabili in Cristo patri d. Johanni de Briga Abbati Monasterii S. Vincencii extra muros Wrat. Ord. Prem. obedienciam prestiterunt et fecerunt realiter cum effectu, quamquidem prestiticionem obediencie memoratus d. Johannes Abbas gratam ratam atque firmam recipiens et habens, Mox ibidem d. Michael prepositus ac omnes virgines predicte promittentes publice et expresse dicentes, quod in futurum perpetuis temporibus sibi et suis successoribus Abbatibus S. V. Mon. supradicti qui pro tempore fuerint et erunt, vellent esse obedientes tamquam Patri Abbati ipsorum iuxta statuta et regulas ordinis Prem. predicti Promiseruntque virgines prenominate michi Notario publico infrascripto solempniter stipulanti omnia predicta et singula rate grate atque firme perpetuis temporibus inviolabiliter observare. In cuius evidenciam Sigilla prepositure et Conventuale prenominatarum virginum ex certa ipsorum sciencia presentibus sunt appensa. Acta sunt hec etc. Presentibus ibidem discretis viris Johanne Vnholt de Brunczeldorff, Nicolao Herborth de Skalicz et Laurencio de Lossen laicis Wrat. dioc. testibus ad premissa vocatis specialiter et rogatis.
Signum Notarii.
Et ego Nicolaus quondam Petri de Brodatheutunicali etc. unacum appensione Sigillorum Prepositi ac memoratarum virginum consignavi Rogatus etc. Constat michi Notario de rasuris in quinta undecima et vicesima prima lineis sursum computando non vicio sed errore factis.

Diese cursiv gedruckten Stellen sind auf radirtem Grunde corrigirt. Beide Siegel sind in hellem Wachs undeutlich ausgedrückt; das Klostersiegel ist von dem früheren verschieden, es ist ebenfalls elliptisch und zeigt eine thronende Mutter Gottes, mit der Umschrift: Sigillum ecclesie. Domus. dei. or. p. Aus dem Archiv von S. Vincenz.

Codex Diplomaticus Silesiae, hrsg vom Vereine für Geschichte und Alterthum Schlesiens, Bd 1, Urkunden des Klosters Czarnowanz. Hrsg von dr W. Wattenbach, Breslau 1857.